Notoryus na pusher, dedo sa shootout

@Balitang Probinsiya | December 3, 2020

CEBU CITY—Dalawang notoryus na drug pusher ang napatay nang manlaban at makipagbarilan sa mga awtoridad kamakalawa sa Bgy. Talamban.

Ang mga suspek ay nakilalang si Michael Olid at Ariel Degulacion, kapwa nakatira sa naturang barangay.

Ayon sa ulat, aarestuhin sana ng mga operatiba sina Olid at Degulacion sa buy-bust operation, pero biglang pinagbabaril ng mga suspek ang mga awtoridad.

Kaagad gumanti ng putok ang pulisya kaya napatay ang mga suspek na kapwa nagtamo ng mga tama ng bala sa katawan.

Nakakumpiska ang mga awtoridad ng dalawang kilo ng shabu, baril at mga bala sa pinangyarihan ng insidente.