Notoryus na pusher, arestado

@Balitang Probinsiya | December 05, 2021

BATAAN--Isang notoryus na drug pusher ang naaresto sa isinagawang buy-bust operation ng mga awtoridad kamakalawa sa bayan ng Dinalupihan.

Ang suspek ay nakilalang si Loreto Bartolome, 43-anyos at residente sa naturang bayan.

Ayon sa ulat, naaresto ang mga suspek sa isinagawang buy-bust operation ng mga operatiba sa nabanggit na lugar.

Nabatid na nakakumpiska ang mga awtoridad ng 100 gramo ng shabu at markadong pera sa pag-iingat ng suspek.

Nakapiit na ang suspek na nahaharap sa kasong paglabag sa Comprehensive Dangerous Drugs Act of 2002.