Notoryus na kawatan, tepok sa shootout

@Balitang Probinsiya | April 2, 2023

CAVITE — Patay ang isang notoryus na magnanakaw nang manlaban at makipagbarilan sa mga tauhan ng pulisya, kamakalawa sa Bgy. Ligtong, Rosario sa lalawigang ito.

Kinilala ang suspek na si Aiben Herrera, 18, nakatira sa Bgy. Malainen Bago, Naic sa nasabing lalawigan.

May nag-report umano sa pulisya tungkol sa isinagawang panloloob ni Herrera, sa isang bahay sa bayan ng Maragondon sa naturang lalawigan.

Kaagad na rumesponde ang mga awtoridad hanggang sa matunton si Herrera sa bayan ng Rosario at nangdadapkin na sana ang suspek, nanlaban ito at pinagbabaril ang mga operatiba.

Dahil dito, mabilis na gumanti ng putok ang mga operatiba kaya napatay ang suspek.

Napag-alaman na nakarekober ang mga awtoridad ng baril at mga bala sa pinangyarihan ng insidente.