Notoryus na kawatan nasakote

@Balitang Probinsiya | March 12, 2023

AKLAN—Isang notoryus na magnanakaw ang nadakip ng mga tauhan ng pulisya kamakalawa sa Bgy. Bacan, Banga sa lalawigang ito.

Hindi na muna pinangalanan ang suspek habang iniimbestigahan ito sa himpilan ng pulisya.

Napag-alaman na dinakip ng pulisya ang suspek sa bisa ng warrant of arrest na inisyu ng korte kaugnay sa mga kaso nitong qualified theft.

Nabatid na itinuturing na notoryus na magnanakaw ang suspek dahil maraming kaso ito ng pagnanakaw sa lalawigan.

Hindi naman nanlaban ang suspek nang dakpin siya ng mga awtoridad at sa ngayon ay nakapiit na siya sa detention cell ng himpilan ng pulisya.