Notoryus na kawatan nasakote

@Balitang Probinsiya | Pebrero 1, 2023

LAGUNA – Isang wanted na notoryus na magnanakaw ang nadakip ng mga tauhan ng pulisya kamakalawa sa Bgy. Dela Paz, Biñan City sa lalawigang ito.

Nakilala ang suspek na si Bernabe Galban, nasa hustong gulang at pansamantalang nakatira sa nabanggit na barangay.

Napag-alaman na dinakip ng pulisya ang suspek sa bisa ng warrant of arrest na inisyu ng korte kaugnay sa mga kinasasangkutan nitong mga kasong qualified theft.

Nabatid na may nagbigay impormasyon sa pinagtataguan ni Galban kaya naaresto ang suspek.

Hindi naman nanlaban ang suspek nang dakpin siya ng mga awtoridad.