Notoryus na karnaper, arestado

@Balitang Probinsiya | July 22, 2023

CAPIZ — Isang notoryus na karnaper ang inaresto ng mga tauhan ng pulisya kamakalawa sa Bgy. Bailan, Pontevedra sa lalawigang ito.

Kinilala ng pulisya ang suspek na si Ronnie Tumlos, nasa hustong gulang at nakatira sa Bgy. Hipona, sa nabanggit na bayan.

Ayon sa ulat, pinara ng mga awtoridad si Tumlos dahil sa traffic violation at nang hanapan ng rehistro ang dala niyang motorsiklo ay wala itong maipakita hanggang dumating ang tunay na may-ari ng sasakyan at sinabing kinarnap ang naturang sasakyan kaya agad dinakip ng pulisya ang suspek.

Nabatid na kilala ang suspek sa naturang bayan bilang notoryus na karnaper ng mga motorsiklo.

Kusang sumama naman sa pulisya ang suspek at sa ngayon ay nakapiit na siya sa detention cell ng himpilan ng pulisya.