Nigerian, timbog sa drug-bust

@Balitang Probinsiya | Pebrero 10, 2023

PAMPANGA – Isang Nigerian national ang nadakip sa isinagawang drug-bust operation ng mga awtoridad kamakalawa sa Bgy. Ninoy Aquino, Angeles City sa lalawigang ito.

Ang suspek ay nakilalang si Ejike Emmanuel Chinedu, 27, at pansamantalang nakatira sa Mabalacat City sa nasabing lalawigan.

Ayon sa ulat, nagpanggap na buyer ng shabu ang mga operatiba, at nang bentahan sila ng droga ni Chinedu ay dito na agad dinakip ang suspek.

Napag-alaman na nakakumpiska ang mga awtoridad ng 20 gramo ng shabu at markadong pera sa pag-iingat ng suspek.

Nakapiit na ang suspek habang inihahanda ang kasong paglabag sa Comprehensive Dangerous Drugs Act of 2022 laban sa kanya.