Negosyanteng tulak, huli sa buy-bust

@Balitang Probinsiya | February 08, 2022

CAGAYAN–Isang negosyanteng drug pusher ang naaresto sa isinagawang buy-bust operation kamakalawa sa Brgy. Centro Northwest, Solana.

Ang suspek ay kinilalang si Dante Dayag, 40-anyos at nakatira sa nabanggit na bayan.

Ayon sa ulat, nadakip ang suspek sa isinagawang buy-bust operation sa naturang barangay.

Napag-alamang nakakumpiska ang mga awtoridad ng apat na sachets ng shabu at markadong pera sa pag-iingat ng suspek.

Nakapiit na ang suspek na nahaharap sa kasong paglabag sa Comprehensive Dangerous Drugs Act of 2002.