Negosyanteng babae, nilikida

@Balitang Probinsiya | December 5, 2020

GENERAL SANTOS CITY—Isang negosyanteng babae ang namatay nang barilin ng riding-in-tandem kamakalawa sa Bgy. Apopong.

Ang biktimang nagtamo ng mga tama ng bala sa katawan at ulo ay nakilalang si Freya Cuevas, nakatira sa naturang lungsod.

Ayon sa ulat, naglalakad umano si Cuevas nang biglang sumulpot ang dalawang suspek na nakasakay sa motorsiklo at agad pinagbabaril ang biktima.

Nang matiyak na patay na ang biktima ay mabilis na tumakas ang mga salarin.

Iniimbestigahan na ng pulisya ang motibo ng mga suspek sa pamamaslang sa biktima.