Negosyante, tinodas ng tandem
Nov 3, 2023
1 min read
@Balitang Probinsiya | November 3, 2023
ZAMBOANGA CITY -- Isang negosyante ang namatay nang barilin ng riding-in-tandem kamakalawa sa Brgy. Lapakan sa lungsod na ito.
Ang biktimang nagtamo ng mga tama ng bala sa katawan ay nakilalang si Rodolfo Castro, 59, at residente sa nabanggit na lungsod.
Ayon sa ulat, habang minamaneho ni Castro ang kanyang motorsiklo ay biglang sumulpot ang mga suspek na nakasakay din sa isang motorsiklo at agad pinagbabaril ang biktima.
Mabilis na tumakas ang mga suspek nang matiyak na patay na si Castro.
Iniimbestigahan pa ng pulisya ang motibo ng mga suspek sa pamamaslang sa biktima.
Comments