Negosyante, tinodas ng riding-in-tandem
- BULGAR
- Dec 15, 2020
- 1 min read
@Balitang Probinsiya | December 15, 2020
GENERAL SANTOS CITY—Isang negosyante ang namatay nang barilin ng riding-in-tandem kamakalawa sa Bgy. City Heights.
Kinilala ng pulisya ang biktimang nagtamo ng mga tama ng bala sa katawan na si Melvin Romero, nakatira sa nabanggit na barangay.
Ayon sa ulat, kararating lang umano ni Romero sa kanilang bahay nang biglang sumulpot ang dalawang hindi kilalang suspek na nakasakay sa motorsiklo at agad pinagbabaril ang biktima.
Mabilis na tumakas ang mga salarin matapos ang pamamaril.
Dinala pa ng kanyang kamag-anak si Romero sa pagamutan, pero idineklara itong dead-on-arrival.
Comments