Negosyante, tinodas ng gunman
- BULGAR
- Aug 8, 2023
- 1 min read
@Balitang Probinsiya | August 8, 2023
AKLAN -- Isang 32-anyos na negosyante ang namatay nang barilin ng isang hindi kilalang armadong lalaki kamakalawa sa Bgy. Rivera, Ibajay sa lalawigang ito.
Ang biktimang nagtamo ng mga tama ng bala sa katawan ay nakilalang si Melvin Lopez, nakatira sa naturang bayan.
Ayon sa ulat, habang nasa loob ng kanyang tindahan si Lopez ay biglang sumulpot ang suspek at agad pinagbabaril ang biktima.
Mabilis na tumakas ang suspek nang matiyak na patay na ang biktima.
Iniimbestigahan pa ng pulisya ang motibo ng suspek sa pamamaslang kay Lopez.
Comments