Negosyante, tinepok ng riding-in-tandem

@Balitang Probinsiya | January 27, 2021

MASBATE—Isang negosyante ang namatay nang barilin ng riding-in-tandem kamakalawa sa Bgy. Pasiagon, Placer.

Nakilala ang biktimang nagtamo ng tama ng bala sa ulo na si Mark Tero, nakatira sa naturang barangay.

Ayon sa ulat, nakatayo umano si Tero sa harap ng kanilang bahay nang sumulpot ang dalawang hindi kilalang suspek na nakasakay sa motorsiklo at agad binaril ang biktima.

Matapos tiyaking patay na si Tero ay mabilis na tumakas ang mga salarin.

Iniimbestigahan na ng pulisya ang motibo ng mga suspek sa pamamaslang sa biktima.