Negosyante, timbog sa checkpoint

@Balitang Probinsiya | November 10, 2020

ILOCOS NORTE—Isang negosyante na nag-iingat ng mga pekeng travel documents ang dinakip kamakalawa sa police checkpoint sa national highway ng Badoc.

Hindi na muna pinangalanan ng pulisya ang suspek habang iniimbestigahan ito ng mga awtoridad.

Napag-alamang dahil sa banta ng COVID-19 ay hindi pinapayagang pumasok sa lalawigan ang mga motoristang walang kaukulang travel documents.

Ayon sa ulat, nang mapadaan ang negosyante na nakakulan sa kanyang sasakyan sa checkpoint ay mga pekeng travel documents ang ipinakita nito kaya agad siyang dinakip ng mga awtoridad.

Nakapiit na ang suspek na nahaharap sa kasong falsification of public documents.