Negosyante, pinatay sa bahay
Dec 23, 2020
1 min read
@Balitang Probinsiya | December 23, 2020
QUEZON—Isang negosyante ang namatay nang barilin ng mga armadong lalaki sa loob ng kanilang bahay kamakalawa sa Bgy. Sampaloc 2, Sariaya.
Kinilala ng pulisya ang biktimang nagtamo ng mga tama ng bala sa katawan na si Ejay Marasigan, nakatira sa nabanggit na barangay.
Ayon sa ulat, nasa loob ng sa kanilang bahay si Marasigan nang biglang pumasok ang mga suspek at agad pinagbabaril ang biktima.
Mabilis na tumakas ang mga salarin matapos ang pamamaril.
Dinala pa ng kanyang mga kamag-anak si Marasigan sa pagamutan, pero idineklara itong dead-on-arrival.
Comments