Negosyante, binaril ng kainuman

@Balitang Probinsiya | November 28, 2021

CAMARINES SUR--Isang 45-anyos na negosyante ang sugatan nang barilin ng kanyang kainuman kamakalawa sa Bgy. Camagong, Tinambac.

Ang biktima ay nakilalang si Aurelio Ros, samantalang ang suspek ay si Allen Montalban kapwa residente sa nabanggit na bayan.

Ayon sa ulat, nag-iinuman sina Ros at Montalban nang magkaroon ng pagtatalo na humantong para barilin ng suspek ang biktima na tinamaan sa katawan.

Kaagad dinala ng mga saksi si Ros sa ospital at kasalukuyan pa itong inoobserbahan sa pagamutan.

Pinaghahanap na ng pulisya ang suspek na nahaharap sa kasong frustrated murder.