Negosyante, 1 pa pinagbabaril

@Balitang Probinsiya | April 12, 2023

ZAMBOANGA SIBUGAY – Isang negosyante ang namatay at sugatan naman ang kaibigan nito nang barilin sila ng hindi kilalang lalaki kamakalawa sa Bgy. Solar, Oluntanga sa lalawigang ito.

Ang mga biktimang nagtamo ng mga tama ng bala sa katawan ay nakilalang sina Alhadz Hajula at Adzfar Lakkian, kapwa nasa hustong gulang.

Ayon sa ulat, nagkukuwentuhan sina Hajula at Lakkian sa nasabing lugar nang sumulpot ang suspek at agad pinagbabaril ang mga biktima.

Mabilis na tumakas ang suspek matapos pagbabarilin ang dalawa.

Dinala pa ng mga saksi ang mga biktima sa ospital, pero idineklarang dead-on-arrival si Hajula.