Nanlabang rapist, dedbol

@Balitang Probinsiya | November 14, 2020

MISAMIS ORIENTAL—Isang wanted rapist ang napatay nang manlaban at makipagbarilan sa pulisya kamakalawa sa Bgy. Ani-e, Claviera.

Kinilala ang napatay na suspek na nagtamo ng mga tama ng bala sa katawan si Arnel Saguilong, residente sa nabanggit na barangay.

Ayon sa ulat, nakita ng pulisya na umuwi sa kanilang bahay si Saguilong at aarestuhin sana ito sa bisa ng warrant of arrest na inisyu ng korte kaugnay sa kinasasangkutan nitong kasong rape, pero biglang pinagbabaril ng suspek ang mga awtoridad.

Dahil dito, agad gumanti ng putok ang mga awtoridad kaya napatay ang suspek.

Nakakumpiska ang mga awtoridad ng baril at mga bala sa pinangyarihan ng insidente.