Naningil ng pautang, sinaksak

@Balitang Probinsiya | November 12, 2021

CAMARINES SUR—Isang lalaking naningil ng utang ang sugatan nang saksakin ng kanyang kaibigan kamakalawa sa Bgy. Penafracia, Naga City.

Kinilala ng pulisya ang biktima na si Jan Cuano, samantalang ang suspek ay si Ricky Espina, kapwa nasa hustong gulang at parehong residente sa nasabng barangay.

Ayon sa ulat, may utang na pera si Espina kay Cuano at nang singilin ito ng biktima ay nagalit ang suspek.

Dahil dito, nagkaroon ng pagtatalo ang magkaibigan hanggang sa saksakin ng suspek ang biktima na tinamaan sa katawan.

Ginagamot na sa ospital ang biktima, samantalang pinaghahanap na ng pulisya ang suspek.