Nangahasa sa batang babae, tiklo

@Balitang Probinsiya | May 16 2021

CAPIZ—Isang lalaki na nanggahasa sa isang batang babae ang naaresto ng pulisya kamakalawa sa kanyang hideout sa Bgy. Bago Chiquito, Panay.

Ang suspek ay kinilala ng pulisya na si Joel Lopez, 31-anyos at pansamantalang nakatira sa naturang barangay.

Nabatid na inaresto ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape at child abuse sa nabanggit na lalawigan.

Ayon sa ulat, may tinanggap na impormasyon ang pulisya tungkol sa pinagtataguan ni Lopez kaya agad rumesponde ang mga operatiba at dinakip ang suspek.

Hindi naman nanlaban ang suspek nang dakpin siya ng pulisya sa nasabing barangay.