Nang-rape sa Pasay City, tiklo sa Bulacan

@Balitang Probinsiya | April 24, 2023

BULACAN—Isang most wanted na rapist sa Pasay City ang naaresto mga tauhan ng pulisya, kamakalawa sa kanyang hideout sa San Jose del Monte City, sa lalawigang ito.

Ang suspek ay kinilala ng pulisya na si Joseph Alba, 20, at pansamantalang nakatira sa nabanggit na barangay.

Napag-alaman na dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa Pasay City.

Nabatid na may nagbigay impormasyon sa pinagtataguan ng rapist kaya agad rumesponde ang pulisya at dinakip ang suspek sa nasabing lugar.

Kusang sumama sa mga awtoridad ang suspek at ngayon ay nakapiit na siya sa detention cell ng himpilan ng pulisya.