Nang-abuso sa bata, arestado

@Balitang Probinsiya | November 10, 2021

ALBAY—Dinakip ng pulisya ang isang lalaki na nang-abuso sa batang babae kamakalawa sa Bgy. Tagas, Daraga.

Hindi muna pinangalanan ang suspek habang iniimbestigahan pa ito ng mga awtoridad.

Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong child abuse sa nasabing lalawigan.

Nabatid na may nagbigay-impormasyon sa pulisya sa pinagtataguan ng suspek kaya agad rumesponde ang mga awtoridad at inaresto ang supek.

Hindi naman nanlaban ang suspek sa mga awtoridad at sa ngayon ay nakapiit na siya sa detention cell ng himpilan ng pulisya.