Nakipaglamay sa patay, tepok sa saksak

@Balitang Probinsiya | November 26, 2021

PANGASINAN—Isang 53-anyos na lalaki na nakipaglamay sa burol ng patay ang napatay nang saksakin ng kanyang kaalitan kamakalawa sa Lucao, Dagupan City.

Nakilala ang biktimang nagtamo ng saksak sa katawan na si Armando Siapno, samantalang ang suspek ay si Jay-ar Dizon, kapwa nakatira sa nabanggit na barangay.

Ayon sa ulat, habang nakikipaglamay sa burol ay biglang nilapitan at sinaksak ng suspek ang biktima.

Matapos ang pananaksak ay mabilis na tumakas ang suspek, pero agad din siyang nadakip ng mga nagrespondeng tauhan ng pulisya.

Dinala pa ng mga saksi si Siapno sa ospital, pero idineklara itong dead-on-arrival.