Nagtitinda ng barbecue nilikida
BULGAR
Nov 26, 2022
1 min read
Updated: Nov 27, 2022
@Balitang Probinsiya | November 26, 2022
AKLAN—Patay ang nagtitinda ng barbecue nang barilin ng riding-in-tandem kamakalawa sa Bgy. Lapnag, Banga.
Ang biktimang nagtamo ng mga tama ng bala sa katawan ay nakilalang si Ace Gumban, 37-anyos at nakatira sa nabanggit na barangay.
Ayon sa ulat, habang nagtitinda ng barbecue si Gumban ay biglang sumulpot ang dalawang hindi kilalang suspek na nakasakay sa motorsiklo at agad pinagbabaril ang biktima.
Mabilis na tumakas ang mga suspek nang matiyak na patay na ang biktima.
Iniimbestigahan pa ng pulisya ang motibo ng mga suspek sa pamamaslang kay Gumban.
Comments