Nagpapahingang foreman, nilikida
BULGAR
Dec 4, 2022
1 min read
@Balitang Probinsiya | December 4, 2022
QUEZON—Isang nagpapahinga na foreman ang namatay nang barilin ng hindi kilalang armadong lalaki kamakalawa sa Bgy. Cabay, Tiaong.
Ang biktima na nagtamo ng tig-isang tama ng bala sa ulo at braso ay nakilalang si Reynane Aquino, 45-anyos at nakatira sa nabanggit na barangay.
Ayon sa ulat, habang nakaupo at nagpapahinga si Aquino ay biglang sumulpot ang suspek at agad pinagbabaril ang biktima.
Mabilis na tumakas ang mga suspek nang matiyak na patay na ang biktima.
Iniimbestigahan pa ng pulisya ang motibo ng mga suspek sa pamamaslang kayAquino.
Comments