Nagnakaw ng mountain bike, nasakote

@Balitang Probinsiya | March 31, 2023

SORSOGON—Isang lalaking nagnakaw ng isang mountain bike ang naaresto ng mga awtoridad kamakalawa sa Bgy. Polvorista, Sorsogon City sa lalawigang ito.

Ang suspek ay nakilalang si Alexander Barrios, 49, residente ng Bgy. Somal-ot, Casiguran sa nasabing lalawigan.

Ayon sa biktimang si Malvin Esurena, nasa hustong gulang, na nakita umano niya na tinangay ng suspek ang kanyang mountain bike na nasa gilid ng kalsada kaya agad siyang humingi ng saklolo sa mga awtoridad na naging dahilan upang madakip ang suspek.

Sumuko naman sa mga awtoridad ang suspek kaya narekober ang bisikleta.

Nabatid na sinampahan na ng pulisya ang suspek ng kasong qualified theft.