Nagnakaw ng krudo nasakote

@Balitang Probinsiya | Pebrero 14, 2023

AKLAN – Isang driver na nagnakaw umano ng kargang krudo sa isang trak ang dinakip ng mga tauhan ng pulisya kamakalawa sa Bgy. Banaybanay, Malinao sa lalawigang ito.

Kinilala ang suspek na si Toribio Perucho, 33, residente ng Bgy. Pook, Kalibo sa nasabing lalawigan.

Ayon sa ulat, nakita ng may-ari ng trak na ninakaw ni Perucho ang krudo ng sasakyan sa pamamagitan ng pagsalin sa dalawang container.

Dahil dito, ini-report ng truck owner ang pagnanakaw ni Perucho kaya agad dinakip ng pulisya ang suspek.

Nabatid na inihahanda na ngayon ng pulisya ang kasong qualified theft laban sa suspek.