Nagbibisikleta, dinedo ng riding-in-tandem

@Balitang Probinsiya | January 31, 2021

BATANGAS—Isang lalaking nagbibisikleta ang namatay nang barilin ng riding-in-tandem kamakalawa sa Bgy. San Vicente, Sto. Tomas City.

Nakilala ang biktimang nagtamo ng tama ng bala sa katawan na si Andres Cerbo, residente sa naturang lungsod.

Ayon sa ulat, habang lulan ng kanyang bisikleta si Cerbo ay biglang sumulpot ang dalawang hindi kilalang suspek na nakasakay sa motorsiklo at agad pinagbabaril ang biktima.

Matapos tiyaking patay na si Cerbo ay mabilis na tumakas ang mga salarin.

Iniimbestigahan na ng pulisya ang motibo ng mga suspek sa pagpatay sa biktima.