Nag-amok, dedbol sa parak

@Balitang Probinsiya | November 4, 2021

BATANGAS—Isang lalaking nag-amok ang napatay nang barilin ng pulis na kanyang tinangkang tagain kamakalawa sa Bgy. Pangao, Lipa City.

Kinilala ang suspek na si Aldrich Maravilla, nasa hustong gulang at nakatira sa nabanggit na barangay.

Ayon sa ulat, bigla umanong nagwala ang suspek na armado ng itak sa nasabing lugar.

Nabatid na rumesponde ang pulisya, pero tinangkang tagain ni Maravilla ang isang pulis kaya binaril siya ng naturang awtoridad.

Dinala ng pulisya ang suspek sa ospital, pero idineklara itong dead-on-arrival.