Motorsiklo sumalpok sa van, rider todas

@Balitang Probinsiya | February 16, 2021

AKLAN—Isang rider ang namatay nang aksidenteng bumangga ang minamaneho niyang motorsiklo sa van kamakalawa Bgy. Tabangka, Numancia.

Nakilala ang biktima na si Dionel Todo, residente ng Bgy. Pudiot, Tangalan sa nasabing lalawigan.

Ayon sa ulat, nawalan umano ng kontrol si Todo sa pagmamaneho ng motorsiklo kaya bumangga sa kasalubong na van na minamaneho ni Noli Valencia, residente ng Bgy. Tabayon, Banga sa nabanggit na lalawigan.

Nabatid na sa lakas ng pagkakabangga sa van ay nagtamo ng mga malalaking pinsala sa ulo at katawan ang biktima.

Kaagad dinala ng mga saksi ang biktima sa ospital, pero idineklara itong dead-on-arrival.