Most wanted tiklo sa hideout

@Balitang Probinsiya | December 21, 2022

PAMPANGA — Isang most wanted criminal ang nadakip ng pulisya kamakalawa sa kanyang hideout sa bayan ng Mexico.

Ang suspek ay kinilala ng pulisya na si Edwin Pineda, nasa hustong gulang at pansamantalang nakatira sa nasabing bayan.

Napag-alamang dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong paglabag sa anti-violence against women and children.

Ayon sa ulat, may nag-tip sa pulisya sa pinagtataguan ng suspek, kaya agad rumesponde ang mga operatiba at inaresto ito sa nasabing barangay.

Nakapiit na ang suspek sa detention cell ng himpilan ng pulisya.