Most wanted ng Cebu, timbog sa palawan

@Balitang Probinsiya | May 14, 2023

PALAWAN—Isang most wanted sa Cebu ang naaresto ng mga awtoridad, kamakalawa sa kanyang hideout sa Bgy. Iraan, Rizal sa lalawigang ito.

Ang suspek ay kinilala ng pulisya na si Alton Asli, nasa hustong gulang at pansamantalang nakatira sa nasabing barangay.

Napag-alaman na inaresto ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa Cebu.

Ayon sa ulat, may nag-tip sa pulisya sa pinagtataguan ni Asli kaya agad rumesponde ang mga operatiba at inaresto ang suspek sa nabanggit na barangay.

Kusang sumama naman ang suspek sa pulisya nang dakpin siya sa nasabing barangay.