Most wanted, nasakote

@Balitang Probinsiya | November 15, 2021

CAPIZ--Isang lalaking most wanted ang dinakip ng pulisya kamakalawa sa Bgy. Tagas. Poblacion Norte, Ivisan.

Kinilala ng pulisya ang suspek na si Renato Facundo, 23-anyos at nakatira sa nabanggit na barangay.

Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong child abuse sa nasabing lalawigan.

Nabatid na nakita ng mga awtoridad na umuwi sa kanilang bahay si Facundo kaya agad itong pinuntahan at inaresto.

Hindi naman nanlaban ang suspek sa mga awtoridad at sa ngayon ay nakapiit na ito sa detention cell ng himpilan ng pulisya.