Most wanted na terorista, dedo sa shootout
- BULGAR
- Sep 9, 2020
- 1 min read
@Balitang Probinsiya | September 9, 2020
ZAMBOANGA SIBUGAY — Isang most wanted na terorista ang napatay nang manlaban at makipagbarilan sa mga awtoridad kamakalawa sa Bgy. Lapaz, Alicia.
Kinilala ang suspek na si Idris Aquilon, miyembro ng Dawlah Islamiya ng Bangsamoro Islamic Liberation Front (BIFF) na nakabase sa lalawigan.
Ayon sa ulat, darakpin sana ng mga awtoridad si Aquilon sa bisa ng warrant of arrest na inisyu ng korte kaugnay sa kinasasangkutan nitong kidnapping noong 2001, pero biglang pinagbabaril ng suspek ang mga operatiba.
Dahil dito ay agad gumanti ng putok ang mga awtoridad kaya tinamaan ng mga bala sa katawan si Aquilon.
Napag-alamang dinala pa ng mga awtoridad si Aquilon sa ospital, pero idineklara itong dead-on-arrival.
Comments