Most wanted na rapist, timbog

@Balitang Probinsiya | Enero 27, 2023

NUEVA VIZCAYA — Isang most wanted rapist ang naaresto ng mga tauhan ng pulisya kamakalawa sa kanyang hideout sa Bgy. Manamtam, Bambang sa lalawigang ito.

Kinilala ang suspek na si Jay de Jesus, 22, pansamantalagang nakatira sa nabanggit na barangay.

Napag-alaman na dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong Rape sa lalawigan.

Nabatid na matagal nang pinaghahanap ng pulisya si De Jesus, at kamakalawa lang nang magkaroon ng pagkakataon na madakip ito sa kanyang hideout.