Most wanted na killer, nasakote
BULGAR
Apr 25, 2021
1 min read
@Balitang Probinsiya | April 25, 2021
AKLAN—Isang most wanted na killer ang nadakip ng pulisya kamakalawa sa Bgy. Camanci Norte, Numancia.
Kinilala ng pulisya ang suspek na si Henry Laegogo, pansamantalang nakatira sa nabanggit na bayan.
Napag-alamang inaresto ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong murder sa lalawigan.
Ayon sa ulat, may nagbigay-impormasyon sa pulisya sa pinagtataguan ni Laegogo kaya agad rumesponde ang mga awtoridad at dinakip ang suspek.
Kusa namang sumama sa mga awtoridad at hindi nanlaban ang suspek.
Comments