@Balitang Probinsiya | November 9, 2023
BULACAN -- Isang most wanted criminal ang nadakip ng pulisya kamakalawa sa kanyang hideout sa Brgy. Kapitangan, Paombong sa lalawigang ito.
Kinilala ng pulisya ang suspek na si Alexander Jolano, 63 at pansamantalang nakatira sa nasabing barangay.
Ayon sa ulat, dinakip ng mga tauhan ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong murder.
Napag-alaman na may nagbigay impormasyon sa pulisya sa pinagtataguan ng suspek kaya agad itong sinalakay ng mga awtoridad at nadakip ang wanted na killer.
Hindi naman nanlaban ang suspek nang arestuhin siya ng mga awtoridad at sa ngayon ay nakapiit na sa detention cell ng himpilan ng pulisya.
Comments