MNLF member, patay sa ambush

@Balitang Probinsiya | September 15, 2023

SULTAN KUDARAT -- Isang miyembro ng Moro National Liberation Front (MNLF) ang namatay sa pang-a-ambush at pamamaril ng mga armadong salarin kamakalawa sa national highway ng President Quirino sa lalawigang ito.

Ang biktimang nagtamo ng mga tama ng bala sa katawan ay nakilalang si Tayan Mamalinta, miyembro ng MNLF na nakabase sa Maguindanao del Sur.

Ayon sa ulat, habang minamaneho ni Mamalinta ang kanyang motorsiklo ay biglang sumulpot ang mga hindi kilalang suspek at agad pinagbabaril ang biktima.

Matapos ang pamamaril ay mabilis na tumakas ang mga suspek.

Inaalam na ng mga awtoridad ang motibo ng mga suspek sa pagpatay sa biktima.