Miyembro ng NPA, sumurender

@Balitang Probinsiya | March 9, 2021

NUEVA ECIJA—Isang miyembro ng New People’s Army (NPA) ang sumuko sa pamahalaan kamakalawa sa bayan ng Bongabon.

Ang sumukong komunista ay itinago ng mga awtoridad sa pangalang “Ka Rene”, miyembro ng NPA na nakabase sa nabanggit na lalawigan.

Nabatid na isinuko rin ni “Ka Rene” ang dala niyang baril, granada at mga subersibong dokumento sa 1st Provincial Mobile Police Force Company sa nasabing bayan.

Ayon sa sumukong NPA, nais na nilang magbagong-buhay at makapiling ang kanyang pamilya kaya nagpasya siyang magbalik-loob sa pamahalaan.

Isinasailalim na sa taktikal na interogasyon si “Ka Rene” upang masigurong bukal sa kanyang kalooban ang pagbaballik-loob sa gobyerno.