Miyembro ng NPA, sumuko
Oct 19, 2021
1 min read
@Balitang Probinsiya | Oct 19, 2021
ISABELA—Limang miyembro ng New People’s Army (NPA) ang sumuko sa pamahalaan kamakalawa sa Ilagan City.
Para sa kanilang seguridad ay hindi na pinangalanan ng mga awtoridad ang mga sumukong NPA.
Ayon sa ulat, isinuko rin sa mga awtoridad ng mga komunista ang dala nilang mga armas at subersibong dokumento.
Sinabi ng mga sumukong NPA na nais na nilang magbagong-buhay kaya nagpasya silang magbalik-loob sa gobyerno.
Patuloy pang isinasailalim sa taktikal na interogasyon ang mga sumukong NPA upang matiyak na bukal sa kanilang kalooban ang pagbabalik-loob sa pamahalaan.
Comments