Miyembro ng NPA, dedbol sa engkuwentro

@Balitang Probinsiya | October 15, 2023

SULTAN KUDARAT -- Isang miyembro ng New People’s Army (NPA) ang napatay sa naganap na engkuwentro sa pagitan ng tropa ng pamahalaan at mga komunista kamakalawa sa Bgy. Obial, Kalamansag sa lalawigang ito.

Sa ngayon ay inaalam pa ng mga awtoridad ang pagkakakilanlan ng nasawing miyembro ng NPA na nag-o-operate sa lalawigan.

Nabatid na may natanggap na impormasyon ang mga awtoridad na may mga miyembro ng NPA ang nangingikil sa mga residente sa naturang barangay.

Dahil dito, agad rumesponde ang tropa ng pamahalaan pero bigla silang pinagbabaril ng mga komunista kaya napilitan silang gumanti ng putok at napatay ang isang NPA.

Nang makita ng ibang komunista na patay na ang kasamahan nilang NPA ay mabilis silang tumakas at sa ngayon ay tinutugis sila ng tropa ng pamahalaan.