Mister, pinatay sa harap ng misis

@Balitang Probinsiya | July 3, 2023

ZAMBOANGA CITY -- Isang mister ang namatay nang barilin ng isang lalaki kamakalawa sa harap ng kanyang misis sa Brgy. Bunguiao sa lungsod na ito.

Kinilala ng pulisya ang biktimang nagtamo ng tig-isang tama ng bala sa mukha at katawan na si Jay Saavedra, 29, residente ng nasabing lungsod.

Ayon sa ulat, habang itinutulak ni Saavedra ang kanyang motorsiklo, kasama ang misis niya ay biglang sumulpot ang suspek na si Jerry Taring, nasa hustong gulang at agad pinagbabaril ang biktima.

Matapos tiyaking patay na ang biktima ay mabilis na tumakas ang salarin.

Iniimbestigahan na ng pulisya ang suspek at inaalam ang naging motibo nito sa pagpatay sa biktima.