Misis, tinodas ng selosong mister

@Balitang Probinsiya | ngayong Marso 17, 2024

NEGROS ORIENTAL -- Isang misis ang napatay nang saksakin ng kanyang selosong mister kamakalawa sa loob ng kanilang bahay sa Brgy. Banawe, Pamplona sa lalawigang ito.

Ang biktimang nagtamo ng isang tama ng saksak sa katawan ay nakilalang si Roselle Obanana, 27, samantalang ang suspek ay ang mister nitong si Rene Boy, 42, kapwa nakatira sa naturang barangay.

Ayon sa ulat, habang nasa loob ng bahay ay nagkaroon umano ng pagtatalo ang mag-asawa tungkol sa selos ng mister na may karelasyong ibang lalaki umano ang biktima.

Habang nagtatalo ay bigla umanong kinuha ng suspek ang kutsilyo sa kanilang bahay at sinaksak sa katawan ang biktima na agad nitong ikinamatay.

Kusang sumuko naman ang suspek na nahaharap sa kasong parricide.