Misis, kritikal sa saksak ng mister

@Balitang Probinsiya | November 9, 2021

ILOCOS SUR--Isang misis ang nasa kritikal na kalagayan nang saksakin ng kanyang mister kamakalawa sa Bgy. Macatcatud, Magsingal.

Kinilala ng pulisya ang biktima na nagtamo ng isang tama ng saksak sa dibdib na si Maribeth Elac, 37-anyos, samantalang ang suspek ay ang mister nito na si Michael, 39-anyos, kapwa residente sa nasabing barangay.

Ayon sa ulat, nagkaroon ng pagtatalo ang mag-asawa na humantong sa pananaksak ng suspek sa biktima.

Kusa namang sumuko sa pulisya ang suspek matapos saksakin ang biktima.

Nabatid na patuloy pang inoobserbahan sa pagamutan ang biktima.