Minero todas sa gumuhong tunnel
BULGAR
Dec 9, 2022
1 min read
@Balitang Probinsiya | December 9, 2022
KALINGA—Patay ang minero nang matabunan ng lupa sa gumuhong tunnel kamakalawa sa Bgy. Galdang, Pasil.
Ang biktima ay kinilala ng pulisya na si Milnar Bag-ayan, 35-anyos, nakatira sa nasabing barangay.
Ayon sa ulat, habang nasa loob ng tunnel si Bag-ayan ay bigla itong gumuho, kaya natabunan ang biktima.
Nabatid na nabigo ang mga kasamahang minero ni Bag-ayan na maiahon agad sa gumuhong tunnel ang biktima, kaya humingi sila ng tulong sa mga rescuers.
Napag-alamang makalipas ang ilang oras ay saka lang nailabas sa tunnel ang biktima at agad dinala sa ospital, pero idineklara itong dead-on-arrival.
Comments