Mekaniko, tiklo sa boga at mga bala

@Balitang Probinsiya | January 31, 2021

LA UNION—Isang mekaniko ang inaresto ng pulisya nang makumpiskahan ng baril at mga bala kamakalawa sa Tabtabungao, Rosario.

Ang suspek ay nakilalang si Janvier Dungan, residente ng nabanggit na barangay.

Nabatid na sa bisa ng search warrant na inisyu ng korte ay nagsagawa ng pagsalakay ang mga awtoridad sa bahay ni Dungan at dito nakumpiska ang .45 pistola at mga bala.

Hindi nanlaban at kusa namang sumama sa mga awtoridad ang suspek nang dakpin siya sa loob ng kanyang bahay.

Nakapiit na si Dungan na nahaharap sa kasong illegal possession of firearms and ammunitions.