May wedding gown na raw… KORINA, KUMANTANG IKAKASAL NA SA IBA, KAY MAR BUMAGSAK

ni Vinia Vivar - @Frankly Speaking | September 9, 2020

Ibinuking ni Korina Sanchez sa latest episode ng I Feel U online show ni Toni Gonzaga kung saan ay guest nga ang nasabing broadcast journalist na engaged na pala siya at malapit nang magpakasal bago sila nagkaroon ng relasyon ng politician husband niya ngayong si Mar Roxas.

Sey ni Ate Koring, wala raw masyadong nakakaalam ng bagay na ito.

“I was about to get married then already to someone else, yes, yeah, not too many people know about I was about to get married, I actually had my wedding gown already,” pag-amin ni Korina.

Pero nagdalawang-isip daw siya dahil lagi silang nag-aaway ng fiancé niya na hindi niya binanggit kung sino.

“We were always fighting and I was doubting and I said, ‘Wow, this is a very important decision. I have to be super-duper sure,’” kuwento ni Ate Koring.

And timing naman na that time ay nakabasa siya ng article about Mar and said to herself, “Hmm, parang I wanna meet this guy, parang teka muna, there’s something here.”

Sa nasabing article ay idine-describe raw ni Mar ang ideal woman nito at parang tumutugma sa kanya.

“Sabi niya sa ideal woman niya, ‘I want a woman to be independent. I want her to have her own life, you know, I want her to be able to do things apart from me.’

“Sabi ko, ‘Naku, bakit parang idine-describe niya ako?’” sey niyang natatawa. “Ilusyon ko, 'di ba?” dagdag pa niya.

“For some reason, na-interview ko siya one time but I had a boyfriend, he had a girlfriend. And ayun, parang nagsimula na ru’n. And then, one day, nag-guest siya sa DZMM, and then, he asked me out on a date,” patuloy niya.

Pero after that ay hindi na raw sila nagkita.

“Sabi ko, ‘Ba (Aba), walang follow-up, na-turn-off yata sa akin ‘to,'” kuwento ni Koring.

After a year ay bigla raw itong tumawag at nasa Amerika raw si Mar that time. Tumawag daw ito para mag-Happy New Year lang. Pagbalik daw nito ng Pilipinas ay saka pa lang sila nakapag-date at nagtuluy-tuloy na raw.

Pero noon pa man daw ay crush na niya si Mar dahil lagi raw silang nagkikita since naka-assign siya before sa Malacañang.

When asked kung hindi ba mahirap sa empowered woman na katulad niya na i-submit ang sarili sa asawa, ani Koring, submissive wife raw siya at marami nga raw sa mga friends niya ang hindi makapaniwala.

“'Pag nagmi-meeting ako rito, darating si Mar, ‘Can I talk to you for a moment?’ Alam mo, iiwan ko ‘yung meeting ko, ha? I am very submissive to my partner. And all my relationships, even before my husband, to my boyfriends, ‘yung dati, I’ve always been very maserbisyo, I’ve always been very submissive, you know.

“Kasi at work, ako lahat ang nagdidikta, right? Ako lahat ‘yung ‘Eto gagawin nating susunod,' ‘Eto ngayon ang gagawin natin,' you know. My personal life, gusto kong sumiksik na lang sa kilikili ng asawa ko,” pahayag ni Koring.