May kasong Child Abuse, tiklo

@Balitang Probinsiya | November 21, 2021

CAPIZ—Isang lalaking may kasong child abuse ang dinakip ng pulisya kamakalawa sa Bgy. Mapalad Cogon, Sigma.

Kinilala ng pulisya ang suspek na si Felix Dice, 26-anyos, construction worker at nakatira sa nabanggit na barangay.

Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong child abuse sa nasabing lalawigan.

Nabatid na nakita ng mga awtoridad na umuwi sa kanilang bahay si Dice kaya agad itong pinuntahan at inaresto.

Nakapiit na ang suspek sa detention cell ng himpilan ng pulisya.