May epilepsy, dedo sa bangin

@Balitang Probinsiya | June 09, 2023

Benguet -- Isang 50-anyos na lalaking may sakit na epilepsy ang natagpuang patay kamakalawa sa ibaba ng bangin na sakop ng Bgy. Banangan, Sablan sa lalawigang ito.

Sa kahilingan ng kanyang pamilya ay hindi na isinapubliko ng pulisya ang pangalan ng biktima.

Napag-alaman na ilang residente ang nakatagpo sa bangkay ng biktima sa naturang lugar.

Huli umanong nakitang buhay ang biktima habang naglalakad sa gilid ng bangin.

Sa imbestigasyon ng mga awtoridad, posible umanong sinumpong ng kanyang sakit na epilepsy ang biktima kaya nahulog ito sa bangin na may lalim na 50 talampakan na humantong sa kanyang kamatayan.