Manyak na tricycle driver, wanted

@Balitang Probinsiya | Oct 21, 2021

CAPIZ—Pinaghahanap ngayon ng pulisya ang manyak na tricycle driver dahil sa tangkang panggagahasa sa isang dalagita kamakalawa sa Roxas City.

Ang biktima ay itinago ng pulisya sa pangalang “Ruby”, 14-anyos, residente ng nasabing lungsod.

Ayon sa biktima, sumakay siya sa pinapasadang tricycle ng hindi nakilalang suspek at nagpahatid sa kanilang bahay, pero pagdating sa liblib na lugar ay inihinto ng driver ang sasakyan at tinutukan siya ng patalim.

Nabatid na akmang gagahasain na ng driver si “Ruby” ay biglang nanlaban ang biktima, nakapiglas at nakatakbo palayo sa lugar, at dahil sumisigaw ng saklolo ang dalagita ay tumakas na ang suspek.

Patuloy pa ang manhunt operation ng pulisya para madakip ang suspek.